| 2008-7-8 (雨/晴) 本篇文章篇幅較大,如欲觀看,請耐心看完,謝謝!
今日係我過得最累既一日(雖然今日仲未過,但怕唔記得,所以寫左先a_a)
到而家為止....由琴日(7月7日)晏晝3、4點,到直至而家(7月8日)黃昏6點幾
我都未訓過@@"(嚇呆了吧!?) 點解會咁!?(其中係關於我老媽子=.="")
因為佢訓覺"打鼻寒"實在係太嘈,所以...如果佢早訓過我,我都唔會入去同佢訓既~
其次就係...我個人比較鐘意係早上先訓,因為夏天開住冷氣,望住窗外蔚藍戥天空
加上朵朵白雲,太陽曬到屁股既時候...係訓得最舒服架>v<!!! (不過呢d都只係平閎既原因=.=v) 今日朝早,其實我係要去康怡mcl戲院參加社活動先真(唉~~媽的!竟然係要睇「功夫熊貓」-.-\)
不過點都比左廿蚊佢,費事又好似上學期咁o徙錢... (另一個原因係,因為而家係夏天,我d頭髮太長搞到好熱,所以諗住睇完戲就順便去剪髮-v-) 因為成晚冇訓,成日都係度打電腦,玩玩下玩到8:30a.m.於是就9秒速度換衫,衝落街搭電車
點知...今日落到街竟然落「狗屎」>﹏<||
搞到上左車都要企(因為落雨d水整到d位濕哂)
去到既時候"吉之島"又未開,搞到唔可以直接搭lift上去,要行康怡商場d九曲十三彎既電梯T.T
當去到既時候,大部分人都入哂場,我拎完飛之後想買d野入去...點知... 真他媽的!!!有,班高.f因為d錢數目唔清楚,企正係買野食前面講數...(我心諗真係頂~~~!!)
當買完野食入到場之後,已經遲左好多~__~|| 大概睇左個半鐘頭多d就睇完,未睇神前我覺得套野一d都唔好睇,因為覺得好無聊
開頭睇個時我一直都係咁認為,因為實在搞得太多"爛gag"...
但係睇完能後又覺得幾好睇...點解我會咁講!?
原來套野講左d「講就易,做就難」既道理,套戲話：『只要你信,佢就係』
但係人又點會咁易信人,人類太多壞心眼,有事冇事都會去猜疑....
好喇,睇完戲之後,就去左剪髮(今次個頭我自己就覺得ok^_^a"")
不過今日真係超熱,當我係銅鑼彎得車個時,竟然肚痛(痛到同m痛差唔多,不過唔同位就冇咁痛-3-)
又熱又痛,除左流就係流白汗(逃)
終於上到巴士坐低左就好番d,點知.....我仲未痛完既時候
竟然比我睇到有對著住校服既情侶係既士度係咁咀=____=||(坐前兩個位)
剪完髮之後又係咁比我阿媽搵去睇野(我老媽子帶我去剪,順便食野)
卒之搞到我超累...而家隻腳仲有d痛-_- 如果唔係7點要睇"溏心胸部"我老早就訓死左－▽－""
唉...聽日又到左拎成績表既日子lu~~~ |
